Afhverju viljum við loftskiptikerfi?

Með hertum byggingarreglugerðum nútímans eru byggingar mun betur einangraðar og þéttari en áður. Þó það sé jákvætt út frá orkusjónarmiði hefur það í för með sér að hús „anda“ síður og losa sig því ekki jafn auðveldlega við raka og óhreint loft og eldri, óþéttari hús gerðu.

Á sama tíma er minna um að gluggar séu opnaðir reglulega, sem dregur enn frekar úr náttúrulegri loftræstingu. Skortur á loftskiptum getur leitt til aukins raka og þar með aukinnar hættu á myglumyndun, sem hefur áhrif á bæði heilsu fólks og ástand bygginga.

Sífellt meiri kröfur eru gerðar um góð loftgæði í íbúðar- og atvinnuhúsnæði. Loftskiptikerfi með varmaendurvinnslu (Heat Recovery) er skilvirk og orkusparandi lausn til að tryggja stöðug loftskipti án þess að auka hitatap. Með allt að 95% varmaendurvinnslu nýtist hitinn úr útsogsloftinu til að hita ferskt innblástursloft. Þannig má draga úr orkunotkun og lækka rekstrarkostnað hússins.

Loftskiptikerfi tryggir stöðugt innstreymi fersks og síaðs lofts, sem stuðlar að betri loftgæðum, minna ryki og betri svefni.

Kerfið getur einnig framkallað yfirþrýsting í húsnæði, sem er mikilvægt til að koma í veg fyrir að raki sogist inn vegna undirþrýstings. Undirþrýstingur er algengt vandamál, sérstaklega í fjölbýlishúsum þar sem oft er eingöngu útsog í íbúðum. Með sjálfstæðu loftskiptikerfi í hverri íbúð getur hver eining stjórnað sínum loftskiptum án þess að hafa áhrif á aðrar íbúðir.

Í mörgum nágrannalöndum okkar er nú þegar kveðið á um loftskiptikerfi í nýbyggingum samkvæmt byggingarreglugerðum.

Fersktloft.is býður upp á vönduð loftskiptikerfi fyrir fjölbreyttar aðstæður, svo sem einbýlishús, íbúðir, skrifstofuhúsnæði og sumarbústaði. Í sumarbústöðum getur kerfið jafnframt komið í veg fyrir að skordýr, svo sem lúsmý, komist inn, þar sem ferskt loft er síað og gluggum er haldið lokuðum.

Ertu tilbúin(n) að bæta loftgæðin á þínu heimili eða vinnustað?